നരിക്കുനി: പ്രമുഖ പണ്ഡിതനും സമസ്ത കേരള ജംഇയ്യത്തുല്‍ ഉലമയുടെ ട്രഷററുമായിരുന്ന ശൈഖുനാ പാറന്നൂര്‍ ഇബ്‌റാഹിം മുസ്‌ലിയാരുടെ മൂന്നാം ആണ്ടു നേര്‍ച്ചയ്ക്ക് നാളെ പുല്ലാളൂരില്‍ തുടക്കം കുറിക്കുമെന്ന് സംഘാടക സമിതി ഭാരവാഹികള്‍ പത്രസമ്മേളനത്തില്‍ അറിയിച്ചു. പുല്ലാളൂരില്‍ സ്ഥാപിതമായ അക്കാദമിയുടെ ആഭിമുഖ്യത്തില്‍ ഒക്‌ടോബര്‍ 16, 17, 18, 19 തിയതികളിലാണ് പരിപാടി നടക്കുക. 16ന് വൈകിട്ട് നാലിന് ഖബര്‍ സിയാറത്തിന് പി.പി അബ്ദുല്‍ ലത്വീഫ് ഫൈസി നേതൃത്വം നല്‍കും. 4.30 ന് നടക്കുന്ന സാംസ്‌കാരിക സമ്മേളനം വി.സി. അബ്ദുല്‍ ഹമീദ് മാസ്റ്ററുടെ അധ്യക്ഷതയില്‍ കാരാട്ട് റസാഖ് എം.എല്‍.എ ഉദ്ഘാടനം ചെയ്യും.
പാറക്കല്‍ അബ്ദുള്ള എം.എല്‍.എ മുഖ്യാതിഥിയാവും. അബൂബക്കര്‍ ഫൈസി മലയമ്മ, രമേശ് കാവില്‍, നജീബ് കാന്തപുരം, എം.എ ഗഫൂര്‍ പങ്കെടുക്കും.ഏഴിന് ഉദ്ഘാടന സമ്മേളനം പി.പി. അസ്‌ലം ബാഖവിയുടെ അധ്യക്ഷതയില്‍ സയ്യിദ് മുഹമ്മദ്‌കോയ ജമലുല്ലൈലി തങ്ങള്‍ ഉദ്ഘാടനം ചെയ്യും. കോട്ടുമല ബാപ്പു മുസ്‌ലിയാര്‍ ഓഫിസ് ഉദ്ഘാടനം ചെയ്യും. ഗതാഗത വകുപ്പ് മന്ത്രി എ.കെ. ശശീന്ദ്രന്‍, എം.കെ. രാഘവന്‍ എം.പി, ഉമര്‍ ഫൈസി മുക്കം, എ.വി. അബ്ദുറഹിമാന്‍ മുസ്‌ലിയാര്‍, കെ. അബ്ദുല്‍ ബാരി ബാഖവി, സി. മോയിന്‍കുട്ടി സംബന്ധിക്കും. എ.എം നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നടത്തും.
17 ന് െൈവകിട്ട് നാലിന് നടക്കുന്ന പ്രവാസി സംഗമം പി.ടി.എ റഹീം എം.എല്‍.എ ഉദ്ഘാടനം ചെയ്യും. ഏഴിന് നടക്കുന്ന മതപ്രഭാഷണം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അന്‍വര്‍ മുഹ്‌യിദ്ദീന്‍ ഹുദവി ആലുവ മുഖ്യ പ്രഭാഷണം നടത്തും.
18 ന് വൈകിട്ട് നാലിന് നടക്കുന്ന വനിതാ സംഗമം ശറഫുന്നിസ ടീച്ചര്‍ ഉദ്ഘാടനം ചെയ്യും. കെ.വി റംല കരീറ്റിപ്പറമ്പ് വിഷയാവതരണം നടത്തും. രാത്രി ഏഴിന് നടക്കുന്ന മതപ്രഭാഷണം പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. അശ്‌റഫ് റഹ്മാനി കാസര്‍കോട് മുഖ്യ പ്രഭാഷണം നടത്തും.
19 ന് രാത്രി ഏഴിന് നടക്കുന്ന മജ്‌ലിസുന്നൂര്‍ ജില്ലാ വാര്‍ഷികവും സനദ്ദാന സമ്മേളനവും സി.എച്ച് മഹ്മൂദ് സഅദിയുടെ അദ്ധ്യക്ഷതയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ സനദ്ദാന പ്രഭാഷണം നടത്തും. ആനമങ്ങാട് മുഹമ്മദ് കുട്ടി ഫൈസി മുഖ്യ പ്രഭാഷണം നടത്തും.
നാസര്‍ ഫൈസി കൂടത്തായി, ഒളവണ്ണ അബൂബക്കര്‍ ദാരിമി, ടി.പി.സി മുഹമ്മദ്‌കോയ ഫൈസി, ആര്‍.വി കുട്ടിഹസന്‍ ദാരിമി സംബന്ധിക്കും. രാത്രി ഒന്‍പതിന് നടക്കുന്ന ദിക്‌റ് ദുആ മജ്‌ലിസിന് ഉമര്‍ മുസ്‌ലിയാര്‍ കിഴിശേരി, അല്‍ഹാഫിള് അഹമ്മദ് കബീര്‍ നേതൃത്വം നല്‍കും.
പത്ര സമ്മേളനത്തില്‍ പി.പി അസ്‌ലം ബാഖവി, പി.പി അബ്ദുല്‍ ജലീല്‍ ബാഖവി, പി. മുഹമ്മദലി മാസ്റ്റര്‍, പയങ്ങര ആലി, കെ.കെ മുഹമ്മദ്, ഖാദര്‍ ഹാജി, ജൈസല്‍, മൊടോങ്ങല്‍ അബ്ദുറഹിമാന്‍, എം.സി. അബ്ദുറഹിമാന്‍ തുടങ്ങിയവര്‍ സംബന്ധിച്ചു.