കൊട്ടാരക്കര: പവിത്രേശ്വരം ഭജനമഠം വാര്‍ഡില്‍പ്പെടുന്ന വാണിവിള സ്‌കൂള്‍ ജങ്ഷനിലെ കാത്തിരിപ്പ് കേന്ദ്രം സാമൂഹ്യ വിരുദ്ധര്‍ നശിപ്പിച്ചു.
പൊളിച്ച അവശിഷ്ടങ്ങള്‍  സമീപത്തെ കിണറ്റില്‍ നിക്ഷേപിച്ചു. കക്ഷി രാഷ്ട്രീയ ഭേദമന്യേയായിരുന്നു  കാത്തിരിപ്പ് കേന്ദ്രം നിര്‍മ്മിച്ചിരുന്നത്. പ്രദേശവാസികള്‍ക്ക് ഉപകാരപ്രദമായിരുന്ന കാത്തിരിപ്പ് കേന്ദ്രം രാത്രിയുടെ മറവില്‍ പൊളിച്ച് നീക്കുകയായിരുന്നു. ഇതിനെതിരേ വ്യാപക പ്രതിഷേധമുയര്‍ന്നിട്ടുണ്ട്. എത്രയും പെട്ടെന്ന് പിന്നില്‍ പ്രവര്‍ത്തിച്ച സാമൂഹ്യവിരുദ്ധശക്തികളെ അറസ്റ്റ് ചെയ്യണമെന്ന് ആവശ്യമുയര്‍ന്നിട്ടുണ്ട്.