തിരൂര്‍: ആള്‍ കേരള ഓട്ടോ കണ്‍സള്‍ട്ടന്റ്‌സ് വര്‍ക്കേഴ്‌സ് അസോസിയേഷന്‍ (സി.ഐ.ടി.യു) നാലാമതു സംസ്ഥാന സമ്മേളനം ഇന്നും നാളെയുമായി  തിരൂര്‍ വാഗണ്‍ട്രാജഡി സ്മാരക മുനിസിപ്പല്‍ ടൗണ്‍ഹാളിലെ സി.പി ഗോപാലന്‍ നഗറില്‍ നടക്കും. ഇന്ന് ഉച്ചക്കു രണ്ടിനു സംസ്ഥാന ജനറല്‍ സെക്രട്ടറി എസ്. മധുസൂദനന്‍പിള്ള പതാക ഉയര്‍ത്തും. തുടര്‍ന്നു നടക്കുന്ന പൊതുസമ്മേളനം മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. അഞ്ചിനു പ്രകടനം നടക്കും. ആറിനു പ്രതിനിധി സമ്മേളനം സി.ഐ.ടി.യു ദേശീയ സെക്രട്ടറി പി. നന്ദകുമാര്‍ ഉദ്ഘാടനം ചെയ്യുമെന്നു സംഘാടക സമിതി ചെയര്‍മാന്‍ കെ. കൃഷ്ണന്‍ നായര്‍, ജനറല്‍ കണ്‍വീനര്‍ എം. കുഞ്ഞാവ, വി.കെ അബ്ദുല്‍കരീം, എ. ശശികുമാര്‍, കെ.പി മുസ്തഫ, കെ. ഷാജി എന്നിവര്‍ വാര്‍ത്താസമ്മേളനത്തില്‍ അറിയിച്ചു