ദേവര്‍ഷോല: പുലി ഭീതി നിലനില്‍ക്കുന്ന ഒറ്റുവയല്‍ മേഖലയില്‍ ഗൂഡല്ലൂര്‍ ഡി.എഫ്.ഒ ദിലീപ് സന്ദര്‍ശനം നടത്തി. പുലിയെ നിരീക്ഷിക്കാന്‍ വനംവകുപ്പ് ആറ് കാമറകള്‍ സ്ഥാപിച്ചിട്ടുണ്ട്. പുലിയുടെ ആക്രമണത്തില്‍ തൊഴിലാളി സ്ത്രീക്ക് പരുക്കേറ്റിരുന്നു. ഒറ്റുവയല്‍ മാണിമൂല ആദിവാസി കോളനിയിലെ മാതന്റെ ഭാര്യ മേരി (42)ക്കാണ് പരുക്കേറ്റിരുന്നത്. ഗൂഡല്ലൂര്‍ റെയ്ഞ്ചര്‍ ശെല്‍വരാജിന്റെ നേതൃത്വത്തിലുള്ള വനപാലക സംഘം ഇവിടെ നിരീക്ഷണം നടത്തിവരികയാണ്. ഭീതിമൂലം ഈ മേഖലയില്‍ തൊഴിലാളികളാരും തേയില തോട്ടങ്ങളില്‍ ജോലിക്ക് പോകുന്നില്ല.