കിനാലൂര്‍: കോളിക്കര റസിഡന്‍സ് അസോസിയേഷന്റെ വനിതാ വിങ്ങ് പ്രവര്‍ത്തകര്‍ നടത്തിയ ശ്രമദാനം മാതൃകയായി. എകരൂല്‍ കാപ്പിയില്‍ പൂവ്വമ്പായി റോഡിന്റെ ഏര്‍വാടിമുക്ക് കാപ്പിയില്‍ ഭാഗത്ത് റോഡരികില്‍ പടര്‍ന്ന് പന്തലിച്ച പൊന്തകാടുകളാണ് വനിതാ വിങ്ങ് പ്രവര്‍ത്തകരുടെ നേതൃത്വത്തില്‍ വെട്ടി നീക്കി വൃത്തിയാക്കിയത്.
ഒന്നര കിലോമീറ്റര്‍ നീളത്തില്‍ കാല്‍നട യാത്രക്ക് തടസ്സമായി വളര്‍ന്ന കാടുകളാണ് നീക്കിയത്. വിദ്യാര്‍ഥികള്‍കളടക്കം നിരവധി യാത്രക്കാര്‍ക്ക് ബുദ്ധിമുട്ടായ കാടുകളാണ് ഒരു ദിവസത്തെ ശുചീകരണം കൊണ്ട് പൂര്‍ത്തിയാക്കിയത്.റോഡിന്റെ വശങ്ങളിലുള്ള പൊന്തകാടുകളില്‍ സാമൂഹ്യ വിരുദ്ധര്‍ മാലിന്യം നിക്ഷേപിക്കുക പതിവായിരുന്നു. വനിതാ വിങ്ങ് പ്രവര്‍ത്തകരോടൊപ്പം നാട്ടുകാരും ശുചീകരണത്തില്‍ പങ്കാളികളായി. ലഷിത എന്‍.വി, ശ്രീജ എന്‍.വി, ലിജി എടത്തില്‍ നേതൃത്വം നല്‍കി.