ആനക്കര: വെള്ളാളൂര്‍ കളഭം കുടുംബശ്രീ യൂനിറ്റ് വെള്ളക്ഷാമത്തിലും ജൈവകൃഷിയില്‍ നേട്ടം കൊയ്യുന്നു. കപ്പൂര്‍ പഞ്ചായത്തിലെ 18 ാം വാര്‍ഡില്‍ വെള്ളാളൂര്‍അങ്കണ്‍വാടിക്ക് സമീപം പാട്ടത്തിനെടുത്ത സ്ഥലത്താണ് ഈ പെണ്‍കൂട്ടായ്്മ കൃഷി നടത്തിയിരിക്കുന്നത്.
പൊതുവെ ജലക്ഷാമം ഉള്ള പ്രദേശത്ത് കാലവസ്ഥ കൂടി ചതിച്ചതോടെ പതിബന്ധങ്ങളെ തരണം ചെയ്ത് വെള്ളം ചുമന്ന് കൊണ്ടു വന്ന് കൃഷി നനച്ചാണ് കൃഷി പരിപാലിക്കുന്നത്. ആദ്യഘട്ടത്തില്‍ സ്വന്തം വീടുകളിലേക്കുള്ള പച്ചക്കറിയാണ് ലക്ഷ്യം പിന്നീട് കുടുതല്‍ സ്ഥലത്തേക്ക് കൃഷി വ്യാപിപ്പിക്കാനും ഇവര്‍ ലക്ഷ്യമിടുന്നു. മറ്റ് ജോലികള്‍ കഴിഞ്ഞാണ് വരുടെ കൃഷിപണി. വെണ്ട, കയ്പ്പ, വഴുതിന, മുളക്, വെള്ളരി, മത്തന്‍, മധുരകിഴങ്ങ്, കപ്പ എന്നിവയും ഇവരുടെ കൃഷിയിടത്തിലുണ്ട്.
13 അംഗങ്ങളുള്ള യൂണിറ്റിലെ ജിജി, സൗമ്യ, കാര്‍ത്യായനി, രമ്യ, സിന്ധു സരസ്വതി എന്നിവരുടെ നേതൃത്വത്തിലാണ് കൃഷി. എല്ലാ ഞായറാഴ്ച്ചകളും കൃഷിയിടത്തില്‍ അംഗങ്ങളെല്ലാം ഒത്തുകൂടി കൃഷിയിലെ ഭാവികാര്യങ്ങള്‍ വിലയിരുത്തും. കപ്പൂര്‍ കൃഷിഭവന്റെ സഹായ സഹകരണങ്ങളും ഇവര്‍ക്കുണ്ട്.