നിലമ്പൂര്‍: രാജ്യത്തെ മതേതരത്തെയും മതസ്വാന്ത്ര്യത്തെയും ഹനിക്കുന്ന ഏക സിവില്‍ കോഡ് നടപ്പിലാക്കരുതെന്ന് സുന്നി മഹല്ല് ഫെഡറേഷന്‍ നിലമ്പൂര്‍ മേഖല കൗണ്‍സില്‍ ആവശ്യപ്പെട്ടു.
മഹല്ലുകളില്‍ ഉയര്‍ന്നുവരുന്ന അനിസ്‌ലാമിക പ്രവര്‍ത്തനങ്ങളില്‍ മഹല്ല് കമ്മിറ്റികളുടെ ശ്രദ്ധ ഉണ്ടാവണമെന്നും മതസൗഹാര്‍ദ്ദം കാത്തു സൂക്ഷിക്കുന്നതില്‍ മഹല്ല് ഭരണ കര്‍ത്താക്കള്‍ മാതൃകയാവണമെന്നും കൗണ്‍സില്‍ അഭ്യര്‍ഥിച്ചു. ജില്ലാ മുബലിഗ് അബ്ദുല്‍ അസീസ് മുസ്‌ലിയാര്‍ ഉദ്ഘാടനം ചെയ്തു. ഇ.കെ. കുഞ്ഞമ്മദ് മുസ്‌ലിയാര്‍ അധ്യക്ഷനായി.
എസ്.എം.എഫ് മേഖല ഭാരവാഹികളായി ഇകെ. കുഞ്ഞമ്മദ് മുസ്‌ലിയാര്‍ കാട്ടുമുണ്ട (പ്രസിഡന്റ്), വി.കെ അബ്ദുല്‍ ഗഫൂര്‍ തോട്ടേക്കാട് (ജന. സെക്ര), എം.ടി മുഹമ്മദ് ആനപ്പാറ (ട്രഷ.), സയ്യിദ് ഫസല്‍ തങ്ങള്‍, ശിഹാബുദ്ദീന്‍ റഹ്മാനി  മമ്പാട്, ഹംസ ഫൈസി രാമംകുത്ത് (വൈസ്.പ്രസി),  കണ്ണന്‍ കുളവന്‍ മുഹമ്മദ് എന്ന ബാപ്പുട്ടി, അക്ബര്‍ മമ്പാട്,  എയര്‍ ഇന്ത്യ മുഹമ്മദ് തിരുവാലി, അഷ്‌റഫ് മൗലവി കുണ്ടുതോട് (ജോ. സെക്ര) എന്നിവരെയും മേഖല മുബലിഗ് ആയി മുജീബ് മുസ്‌ലിയാര്‍ കരുളായിയേയും തെരഞ്ഞെടുത്തു. വരണാധികാരി കെ.ടി കുഞ്ഞാന്‍ തെരഞ്ഞെടുപ്പ് നിയന്ത്രിച്ചു.