ചൊക്ലി: കരിയാട് ബി.ജെ.പി പ്രവര്‍ത്തകന്റെ രണ്ട് ബൈക്കുകള്‍ അഗ്നിക്കിരയാക്കി. കരിയാട് കെ.എന്‍.യു.പി സ്‌കൂളിന് സമീപം പത്മ സ്റ്റോര്‍ നടത്തുന്ന പത്മാലയത്തില്‍ സുരേന്ദ്രന്റെയും മകന്‍ വൈശാഖ് എന്ന ലാലുവിന്റെയും ബൈക്കുകളാണ് ഇന്ന് പുലര്‍ച്ചെ വീട്ടില്‍ നിന്നും റോഡിലേക്ക് ഇറക്കി കൊണ്ടുവന്ന് കത്തിച്ചത്. കെ.എല്‍ 58 എസ് 9963 ആക്‌സസ് സ്‌കൂട്ടറും, ടി.എന്‍ 05 എ.സി 6673 ഫാഷന്‍ പ്രോ ബൈക്കുമാണ് കത്തിച്ചത്. സംഭവത്തെ തുടര്‍ന്ന് ചൊക്ലി എസ്.ഐ ഇ.വി ഫായിസ് അലിയുടെ നേതൃത്വത്തില്‍ പൊലിസ് അന്വേഷണം ആരംഭിച്ചു.