കാക്കനാട് : വി.എസ്.എന്‍.എല്‍ റോഡ്, സുരഭി നഗര്‍, നെച്ചിക്കാട്ട് മൂല, വടാച്ചിറ തുടങ്ങിയ ഭാഗങ്ങളില്‍ കുടിവെള്ള ക്ഷാമത്തിന് പരിഹാരമുണ്ടാക്കണമെന്ന് ആവശ്യപ്പെട്ട് കേര റസിഡന്‍സ് അസോസിയേഷന്റെ നേതൃത്വത്തില്‍ തൃക്കാക്കര വാട്ടര്‍ അതോറിറ്റി അസിസ്റ്റന്റ് എന്‍ജിനിയറെ ഉപരോധിച്ചു.
ഏകദേശം 500 ഓളം കുടുബങ്ങള്‍ കുടിവെള്ളത്തിനായി നെട്ടോട്ടമോടുമ്പോള്‍ ഈ ഭാഗങ്ങളിലുള്ള ഫ്‌ളാറ്റ് മാഫിയക്ക് വെള്ളം സുലഭമായി ലഭിക്കുന്നുവെന്നത് പ്രതിഷേധമിരട്ടിയാക്കി. നേരത്തെ ഒന്നിടവിട്ട ദിവസങ്ങളില്‍ പൈപ്പ് വെള്ളം ലഭിച്ചിരുന്നുവെങ്കിലും ഇപ്പോള്‍ മൂന്നും നാലും ദിവസങ്ങളില്‍ ഒരിക്കല്‍ മാത്രമാണ് ജലലഭ്യതയെങ്കിലും കിട്ടുന്ന സമയത്തെ മര്‍ദ്ദം കുറയുന്നതുമൂലം ടാങ്കില്‍ കയറാത്ത സ്ഥിതിയാണ്.
കേര റസിഡന്‍സ് അസോസിയേഷന്‍ ഭാരവാഹികളായ അജിത്ത്, ആര്‍.ആര്‍.ബിജു, മുകേഷ്, ശശി, അരുണ്‍, കണ്ണന്‍, ഷിബു തുടങ്ങിയവര്‍ ഉപരോധത്തിന് നേത്യത്വം നല്‍കി.