കുമ്പള: ഇമാം ശാഫി അക്കാദമിയില്‍ വനിതാ വിദ്യാഭ്യാസത്തിനായി പ്രത്യേക കാംപസ് സജ്ജമാകുന്നു. കുമ്പള ബദ്‌രിയ്യാ നഗറിലെ അക്കാദമി കാമ്പസിന് സമീപമൊരുങ്ങുന്ന കെട്ടിടത്തിന്റെ ശിലാസ്ഥാപനം 23നു പാണക്കാട് മുനവ്വറലി ശിഹാബ് തങ്ങള്‍ നിര്‍വഹിക്കും. എസ്.എസ്.എല്‍.സിക്കു ശേഷം പ്ലസ് ടു, ഡിഗ്രി എന്നിവയോടൊപ്പം ചിട്ടയൊത്ത മതപഠനവും പ്രായോഗിക പരിശീലനവും കൂടി പഠിപ്പിക്കുന്ന അഞ്ചു വര്‍ഷത്തെ കോഴ്‌സാണ് അക്കാദമിയിലുണ്ടാവുക. ചടങ്ങില്‍ അക്കാദമി ചെയര്‍മാന്‍ എം.എ ഖാസിം മുസ്‌ലിയാര്‍ അധ്യക്ഷനാവും. കെ.എസ് അലി തങ്ങള്‍ കുമ്പോള്‍ പ്രാര്‍ത്ഥനക്കും സൈനുല്‍ ആബിദീന്‍ തങ്ങള്‍ മജ്‌ലിസുന്നൂറിനും നേതൃത്വം നല്‍കും. കീച്ചേരി അബ്ദുല്‍ ഗഫൂര്‍ മൗലവി മുഖ്യപ്രഭാഷണം നടത്തും.