കൊച്ചി: അനധികൃത സ്വത്തു സമ്പാദനക്കേസില്‍ മുന്‍ മന്ത്രി കെ ബാബുവിനു കുരുക്കു മുറുകുന്നു. ബാബുവിന്റെ ബിനാമി ബന്ധത്തിന് കൂടുതല്‍ തെളിവുകള്‍ വിജിലന്‍സിനു ലഭിച്ചു. ബാബുവിനെ വെള്ളിയാഴ്ച വിജിലന്‍സ് ചോദ്യം ചെയ്യും.


കുമ്പളങ്ങി സ്വദേശിയായ ബാബുറാം ബാബുവിന്റെ ബിനാമി തന്നെയാണ് എന്നു വിജിലന്‍സ് സ്ഥിരീകരിച്ചിട്ടുണ്ട്. ഇതിന്റെ അടിസ്ഥാനത്തിലാണ് ചോദ്യം ചെയ്യല്‍.

അനധികൃത സ്വത്തിന്റെ ഭൂരിഭാഗവും ബാബുറാമാണ് വാങ്ങിക്കൂട്ടിയിരിക്കുന്നതെന്ന് വിജിലന്‍സ് എഫ്‌ഐആറില്‍ പറയുന്നുണ്ട്.

ബാര്‍കോഴക്കേസ് പിന്‍വലിക്കണമെന്ന് ആവശ്യപ്പെട്ടു ബാബുറാം വിജിലന്‍സിന് കത്തു നല്‍കിയിരുന്നു. ഈ കത്തുകള്‍ വിജിലന്‍സ് കണ്ടെടുത്തു


ഇരുവരും തമ്മിലുള്ള ഫോണ്‍വിളികളുടെ രേഖകളും കണ്ടെടുത്തിട്ടുണ്ട്.