ചാലക്കുടി: അതിരപ്പിള്ളി ജലവൈദ്യുതി പദ്ധതി നടപ്പാക്കുമെന്ന വൈദ്യുതിമന്ത്രി കടകംപള്ളി സുരേന്ദ്രന്റെ അഭിപ്രായത്തോട് എതിര്‍പ്പ് പ്രകടിപ്പിച്ച് സി.പി.ഐ. പദ്ധതി എല്‍.ഡി.എഫ് പ്രകടന പത്രികയിലില്ലാത്ത വിഷയമാണെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു.  പദ്ധതി നടപ്പാക്കാന്‍ അഭിപ്രായ സമന്വയത്തിലൂടെ ശ്രമിക്കുമെന്നാണ് കഴിഞ്ഞ ദിവസം നിയമസഭയില്‍ മന്ത്രി പറഞ്ഞത്. എങ്ങനെ പദ്ധതി നടപ്പാക്കാനാകുമെന്ന് പദ്ധതി സംബന്ധിച്ച വിശദമായ റിപ്പോര്‍ട്ട് വന്നശേഷമേ പറയാനാകൂ. വിഷയത്തില്‍ ചര്‍ച്ച വരുമ്പോള്‍ അപ്പോള്‍ നോക്കാമെന്ന്കാനം മാധ്യമപ്രവര്‍ത്തകരോട് പറഞ്ഞു.