ന്യൂഡല്‍ഹി: ആസ്‌ത്രേലിയന്‍ ക്രിക്കറ്റ് ടീമിന്റെ ഇന്ത്യാ പര്യടനം ഫെബ്രുവരിയില്‍ ആരംഭിക്കും. നാലു ടെസ്റ്റുകളടങ്ങിയ പരമ്പരയ്ക്കായാണ് ആസ്‌ത്രേലിയന്‍ ടീം ഇന്ത്യയിലെത്തുന്നത്.
ബോര്‍ഡര്‍- ഗവാസ്‌കര്‍ ട്രോഫിക്കു വേണ്ടി ഇരു ടീമുകളും മാറ്റുരയ്ക്കും. ഫെബ്രുവരി 23 മുതല്‍ 27 വരെ പൂനെയിലാണ് ആദ്യ ടെസ്റ്റ്.  രണ്ടാം ടെസ്റ്റ്  ബംഗളൂരുവിലെ ചിന്നസ്വാമി സ്റ്റേഡിയത്തില്‍ മാര്‍ച്ച് നാലു മുതല്‍ എട്ടു വരെ അരങ്ങേറും. മൂന്നാം ടെസ്റ്റ് റാഞ്ചിയിലാണ്. മാര്‍ച്ച് 16 മുതല്‍ 20 വരെ. അവസാന ടെസ്റ്റിന് ഹിമാചലിലെ ധര്‍മശാല വേദിയാകും. മാര്‍ച്ച് 25 മുതല്‍ 29 വരെയാണ് അവസാന ടെസ്റ്റ്.  
കഴിഞ്ഞ തവണ ഇന്ത്യയില്‍ പര്യടനത്തിനെത്തിയ ആസ്‌ത്രേലിയ നാലു മത്സരങ്ങളും പരാജയപ്പെട്ട് പരമ്പരയില്‍ വൈറ്റ്‌വാഷ് ചെയ്യപ്പെട്ടിരുന്നു.