ബാലുശ്ശേരി: എസ്.വൈ.എസ് ബാലുശ്ശേരി മണ്ഡലം കമ്മിറ്റി സംഘടിപ്പിക്കുന്ന തീവ്രവാദ വിരുദ്ധ സെമിനാര്‍ നാളെ വൈകിട്ട് മൂന്നിനു ബാലുശ്ശേരിയില്‍ നടക്കുമെന്ന്  മണ്ഡലം ജനറല്‍ സെക്രട്ടറി റഫീഖ് വാകയാട്, വൈസ് പ്രസിഡന്റ് അഹമ്മദ്കുട്ടി ഹാജി തച്ചംപൊയില്‍, ട്രഷറര്‍ വാഴയില്‍ ലത്തീഫ് ഹാജി, ഇസ്മാഈല്‍ വള്ളിയോത്ത് എന്നിവര്‍ അറിയിച്ചു.
സെമിനാര്‍ അബ്ദുല്‍ബാരി ബാഖവി അണ്ടോണ ഉദ്ഘാടനം ചെയ്യും. എസ്.വൈ.എസ് ബാലുശ്ശേരി മണ്ഡലം പ്രസിഡന്റ് അബ്ദുല്ല മുസ് ലിയാര്‍ കൂനഞ്ചേരി അധ്യക്ഷനാകും.
 എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നടത്തും. നിജേഷ് അരവിന്ദ്, സാജിദ് നടുവണ്ണൂര്‍, സജില്‍ ബാലുശ്ശേരി എന്നിവര്‍ ചടങ്ങില്‍ സംബന്ധിക്കും.