കൊല്ലം: പ്രസിഡന്റ്‌സ് ട്രോഫി ജലോത്സവത്തിന്റെ അഞ്ചാമത് എഡിഷന്‍ നവംബര്‍ ഒന്നിന് നടക്കും. 16 ചുണ്ടന്‍ വളളങ്ങളടക്കം 50ല്‍പ്പരം കളിവള്ളങ്ങള്‍ ജലോത്സവത്തില്‍ മാറ്റുരയ്ക്കും.
ചുണ്ടന്‍, വെപ്പ്-എ, ഇരുട്ടുകുത്തി-എ, വെപ്പ്-ബി, ഇരുട്ടുകുത്തി-ബി, വനിതകള്‍ തുഴയുന്ന തെക്കനോടി, അലങ്കാര വളളങ്ങള്‍ എന്നിങ്ങനെ വിവിധ വിഭാഗങ്ങളിലായാണ് മത്സരങ്ങള്‍ നടക്കുന്നത്. നാളെ വള്ളങ്ങളുടെ രജിസ്‌ട്രേഷന്‍ അവസാനിക്കും.
25ന് 3 ന് ക്യാപ്റ്റന്‍സ് ക്ലിനിക്കും തുടര്‍ന്ന് വള്ളങ്ങളുടെ ട്രാക്ക് & ഹീറ്റ്‌സ് നിശ്ചയിക്കുന്ന നറുക്കെടുപ്പും നടക്കും.
പചുണ്ടന്‍ വിഭാഗത്തില്‍ ആദ്യ 8 സ്ഥാനക്കാര്‍ക്ക് 175000 രൂപ വീതവും അടുത്ത 8 സ്ഥാനക്കാര്‍ക്ക് 140000 രൂപ വീതവും ബോണസ് ലഭിക്കും. 150000, 125000, 100000 , 75000 എന്നിങ്ങനെ ആദ്യ 4 സ്ഥാനക്കാര്‍ക്ക് പ്രൈസ് മണിയും ലഭിക്കും.