കോഴിക്കോട്: എസ്.കെ.എസ്.എസ്.എഫ് സ്പീക്കേഴ്‌സ് ഫോറം സംസ്ഥാന സമിതിയുടെ കീഴില്‍ മലപ്പുറം സുന്നിമഹലില്‍ നടക്കുന്ന രണ്ടാംഘട്ട പ്രഭാഷക ശില്‍പശാലക്ക് അന്തിമ രൂപമായി. ഒക്ടോബര്‍ 27 ന് രാവിലെ 9. 30 ന് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. സംസ്ഥാന ജന.സെക്രട്ടറി സത്താര്‍ പന്തലൂര്‍ അധ്യക്ഷത വഹിക്കും. ഹസന്‍ സഖാഫി പൂക്കോട്ടൂര്‍. സയ്യിദ് ഫഖ്‌റുദ്ദീന്‍ തങ്ങള്‍, ശഹീര്‍ അന്‍വരി പുറങ്ങ് എന്നിവര്‍ സംബന്ധിക്കും. തുടര്‍ന്ന് മൂന്ന് സെഷനുകളിലായി നടക്കുന്ന ട്രെയിനിങ് ക്ലാസുകള്‍ക്ക് പ്രമുഖര്‍ നേതൃത്വം നല്‍കും. മുന്‍ കൂട്ടി രജിസ്റ്റര്‍ ചെയ്ത 500 പ്രതിനിധികളാണ് ക്യാംപില്‍ പങ്കെടുക്കുന്നത്.
മലപ്പുറം സുന്നിമഹലില്‍ നടന്ന അവലോകന യോഗത്തില്‍ ചെയര്‍മാന്‍ ഖാദര്‍ ഫൈസി തലക്കശ്ശേരി അധ്യക്ഷത വഹിച്ചു. ശാഹുല്‍ ഹമീദ് മേല്‍മുറി, അബ്ദുറഹീം ചുഴലി, അഹമ്മദ് ഫൈസി കക്കാട്, ഹസന്‍ സഖാഫി പൂക്കോട്ടൂര്‍, ലത്തീഫ് ഫൈസി മലപ്പുറം, ഹാറൂന്‍ റശീദ് തിരുന്നാവായ, ആര്‍.വി സലീം, ബശീര്‍ മൗലവി എന്നിവര്‍ സംബന്ധിച്ചു.