താമരശ്ശേരി: ഉപജില്ലാ സ്‌കൂള്‍ ശാസ്ത്രമേളക്കും കായിക കലാമേളകള്‍ക്കുമുള്ള സ്വാഗതസംഘം രൂപീകരിച്ചു.
ഭാരവാഹികള്‍: താമരശ്ശേരി ഉപജില്ലാ വിദ്യാഭ്യാസ ഓഫിസര്‍ ടി.പി അബ്ദുല്‍  മജീദ് (രക്ഷാധികാരി), പുതുപ്പാടി ഗവ. എച്ച്.എസ്.എസ് പ്രിന്‍സിപ്പല്‍ സലിം അള്‍ത്താഫ് (ചെയര്‍മാന്‍), എം.ജി.എം ഹയര്‍ സെക്കന്‍ഡണ്ടറി സ്‌കൂള്‍ ഹെഡ്മാസ്റ്റര്‍ അലക്‌സ് തോമസ്, കോടഞ്ചേരി സെന്റ് തോമസ് എച്ച്.എസ്.എസ് പ്രന്‍സിപ്പല്‍ സി.സി പോള്‍ (വൈസ് ചെയര്‍മാന്‍) എന്നിവരടങ്ങുന്ന 41 അംഗ സ്വാഗതസംഘമാണ് രൂപീകരിച്ചത്.
 2016-2017 വര്‍ഷത്തിലെ ഗണിത ശാസ്ത്രമേള 25നു കട്ടിപ്പാറ എല്‍.പി, യു.പി സ്‌കൂളിലും ശാസ്ത്രമേള 27 താമരശ്ശേരി ഗവ. യു.പി സ്‌കൂളിലും സേഷ്യല്‍ സയന്‍സ് പ്രവൃത്തി പരിചയമേളകള്‍ നവംബര്‍ മൂന്നിനു വേളങ്കോട് സെന്റ് ജോര്‍ജ് എച്ച്.എസ്.എസിലും കായികമേള 9, 10, 11 തിയതികളില്‍ കോടഞ്ചേരി സെന്റ് ജോസഫ്‌സ് എച്ച്.എസ്.എസിലും കലാമേള നവംബര്‍ 28, 29 തിയതികളില്‍ ഈങ്ങാപ്പുഴ എം.ജി.എം എച്ച്.എസ്.എസിലും നടത്താന്‍ തീരുമാനിച്ചു. യോഗത്തില്‍ താമരശ്ശേരി ഗവ. എച്ച്.എസ്.എസ് പ്രിന്‍സിപ്പല്‍ എം. സന്തോഷ് കുമാര്‍ അധ്യക്ഷനായി.
കുന്ദമംഗലം: ഉപജില്ലാ സ്‌കൂള്‍ കലോത്സവം നവംബര്‍ 19, 21, 22, 23 തിയതികളില്‍ കുന്ദമംഗലം ഹയര്‍ സെക്കന്‍ഡറി സ്‌കൂളില്‍ നടക്കും.
മേളയുടെ നടത്തിപ്പിനു വിപുലമായ സ്വാഗതസംഘം രൂപീകരിച്ചു.
ഭാരവാഹികള്‍: ഗ്രാമ പഞ്ചായത്ത് പ്രസിഡന്റ് ടി.കെ സീനത്ത് (ചെയര്‍മാന്‍), സ്‌കൂള്‍ പ്രിന്‍സിപ്പല്‍ ഒ. കല (കണ്‍വീനര്‍), എ.ഇ.ഒ എന്‍. ഗീത(ട്രഷറര്‍). വിവിധ സബ് കമ്മറ്റികളും രൂപീകരിച്ചു.
സ്വാഗതസംഘ രൂപീകരണ യോഗം ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസ് ഉദ്ഘാടനം ചെയ്തു. ടി.കെ സീനത്ത് അധ്യക്ഷയായി. എ.ഇ.ഒ എന്‍. ഗീത പരിപാടികള്‍ വിശദീകരിച്ചു.
ഗ്രാമപഞ്ചായത്ത് വൈസ് പ്രസിഡന്റ് വിനോദ് പടനിലം, ബ്ലോക്ക് ചെയര്‍പേഴ്‌സണ്‍ വിജി മുപ്രമ്മല്‍, ഗ്രാമപഞ്ചായത്ത് ചെയര്‍പേഴ്‌സണ്‍ മാരായ ലീന വാസുദേവന്‍, ഷമീന വെള്ളക്കാട്ട്, പി.ടി.എ പ്രസിഡന്റ് സന്തോഷ് കുമാര്‍, ജി. അബൂബക്കര്‍, ഇന്ദിര, ബീവി, ശ്രീലത, കെ.വി വിജയാനന്ദന്‍ പ്രസംഗിച്ചു.