താമരശ്ശേരി: പരപ്പന്‍പൊയില്‍ ടൗണ്‍ മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ നിര്‍മിച്ചു നല്‍കുന്ന രണ്ടണ്ട് വീടുകളുടെ താക്കോല്‍ദാനം പാണക്കാട് സയ്യിദ് ബഷീറലി ശിഹാബ് തങ്ങള്‍ നിര്‍വഹിച്ചു.
ഗ്രാമപഞ്ചായത്ത് വൈസ് പ്രസിഡണ്ട് കെ.സി മാമു മാസ്റ്ററുടെ അധ്യക്ഷതയില്‍ ചേര്‍ന്ന പൊതുസമ്മേളം സി മോയിന്‍കുട്ടി എം.എല്‍.എ ഉദ്ഘാടനം ചെയ്തു. മുസ്‌ലിം ലീഗ് സംസ്ഥാന വൈസ് പ്രസിഡന്റായി തെരഞ്ഞെടുക്കപ്പെട്ട സി.മോയിന്‍കുട്ടി എം.എല്‍.എയെ ആദരിച്ചു.
ബാബു മാസ്റ്റര്‍ പൈക്കാട്ടില്‍ മുഖ്യപ്രഭാഷണം നടത്തി.  ഇബ്രാഹിം എളേറ്റില്‍, പി.എസ് മുഹമ്മദലി, കെ.എം അഷ്‌റഫ് മാസ്റ്റര്‍, സുബൈര്‍ വെഴുപ്പൂര്‍, കെ.സി റസാഖ്, എ.പി മൂസ, കെ.സി മുഹമ്മദ് മാസ്റ്റര്‍, എം.പി മൂസ മാസ്റ്റര്‍, കെ.സി ഷാജഹാന്‍, പി റഷീദ് സംസാരിച്ചു.
മുഴുവന്‍ വിഷയങ്ങളിലും എ പ്ലസ് നേടിയ മുഹമ്മദ് അസ്ഫിന്‍, എം.പി അനീസ്  എന്നിവരെ അനുമോദിച്ചു. കണ്‍വീനര്‍ ജെ.ടി അബ്ദുറഹിമാന്‍ സ്വാഗതവും എം.ടി അയ്യൂബ്ഖാന്‍ നന്ദിയും പറഞ്ഞു.