പുത്തനത്താണി: കാലഘട്ടത്തിനുസരിച്ച് വിദ്യാഭ്യാസ രംഗത്ത് സമൂലമായ മാറ്റം അനിവാര്യമായിരിക്കുകയാണെന്ന് ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അഭിപ്രായപ്പെട്ടു. ഗുരു ശിഷ്യ ബന്ധങ്ങള്‍ നിലനിര്‍ത്താന്‍ വിദ്യാര്‍ഥികള്‍ പ്രിതിജ്ഞാബന്ധരാണെന്നും അദ്ദേഹം ഓര്‍മിപ്പിച്ചു.
കല്‍പകഞ്ചേരി കല്ലിങ്ങല്‍പറമ്പ് എം.എസ്.എം ഹയര്‍ സെക്കന്‍ഡറി സ്‌കൂളില്‍ കുറ്റിപ്പുറം സബ് ജില്ലാ ശാസ്‌ത്രോത്സവത്തിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
കല്‍പകഞ്ചേരി ഗ്രാമപഞ്ചായത്ത് പ്രസിഡന്റ് എന്‍ മൊയ്തീന്‍കുട്ടി എന്ന കുഞ്ഞാപ്പു അധ്യക്ഷനായി.
കുറ്റിപ്പുറം ബ്ലോക്ക് പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ എ.പി സബാഹ്, കുറ്റിപ്പുറം എ.ഇ.ഒ പി.കെ ഇസ്മാഈല്‍, പ്രിന്‍സിപ്പല്‍ ഫോറം ആന്‍ഡ് എച്ച്.എം സെക്രട്ടറി എ മുഹമ്മദ്, ടി.വി ചന്ദ്രശേഖരന്‍, പി.ടി.എ പ്രസിഡന്റ് അബ്ദുറസാഖ്, അബ്ദുല്‍ ലത്തീഫ്, അബ്ദുല്‍ വഹാബ്, അസ്സന്‍ അമ്മേങ്കര, മനോജ് ജോസ് സംസാരിച്ചു. മേള ഇന്ന് വൈകിട്ട് സമാപിക്കും.