കോഴിക്കോട്: ഉദ്ഘാടനം കഴിഞ്ഞ് ഒന്നര വര്‍ഷമായിട്ടും കെ.എസ്.ആര്‍.ടി.സി ബസ് ടെര്‍മിനല്‍ പൂര്‍ണമായും പ്രവര്‍ത്തനസജ്ജമാക്കാത്ത മാനേജ്‌മെന്റിന്റെ നിലപാടില്‍ പ്രതിഷേധിച്ച് ജീവനക്കാര്‍ ബസ് ടെര്‍മിനല്‍ കവാടത്തില്‍ അനിശ്ചിതകാല റിലേ സത്യഗ്രഹം ആരംഭിച്ചു.
കെ.എസ്.ആര്‍.ടി.ഇ.എയുടെ (സി.ഐ.ടി.യു) നേതൃത്വത്തില്‍ തുടങ്ങിയ സത്യഗ്രഹം സി.ഐ.ടി.യു ജില്ലാ വൈസ് പ്രസിഡന്റ് എം. ഭാസ്‌കരന്‍ ഉദ്ഘാടനം ചെയ്തു. ടി. സൂരജ് അധ്യക്ഷനായി. പി.എ ജോജോ, എന്‍. ശശിധരന്‍, എം.  മുരളീധരന്‍, സി.എ പ്രമോദ്കുമാര്‍ സംസാരിച്ചു.