കരുനാഗപ്പള്ളി: ഓച്ചിറ സബ് രജിസ്ട്രാര്‍ ഓഫിസിലെ കാര്‍ പോര്‍ച്ചും ചുറ്റുമതിലും തകര്‍ന്നുവീണു. ഇതിനു സമീപത്തു ആരുമില്ലാതിരുന്നതിനാല്‍ വന്‍ ദുരന്തം ഒഴിവായി.
കക്ഷിപുരയും സബ് റജിസ്ട്രാര്‍ ഓഫിസിന്റെ കെട്ടിടവും അപകടാവസ്ഥയിലാണ്. 1991 ല്‍ നിര്‍മ്മിച്ച കെട്ടിടത്തില്‍ ജീവനക്കാര്‍ ജീവന്‍ പണയം വെച്ചാണ് ജോലി നോക്കുന്നത്. കെട്ടിടത്തിന്റെ മിക്ക ഭാഗങ്ങളും മഴക്കാലമായാല്‍ ചോര്‍ന്നൊലിക്കും. നൂറ് കണക്കിന് ആളുകളാണ് ദിവസവും ഇവിടെ വന്നുപോകുന്നതും. പരാതി നല്‍കിയിട്ടും അധികൃതര്‍  തിരിഞ്ഞ് നോക്കാത്തതില്‍ വന്‍ പ്രതിഷേധമാണ് ഉയരുന്നത്.