കണ്ണൂര്‍: ഇരിക്കൂര്‍ മണ്ഡലത്തിലെ നടുവില്‍ ടെക്‌നിക്കല്‍ ഹൈസ്‌കൂളിലെ 48ാംനമ്പര്‍ ബൂത്തില്‍ തകരാറിനെ തുടര്‍ന്നു വോട്ടിങ് യന്ത്രം ഇടയ്ക്കുവച്ചു മാറ്റി.
രാവിലെ പത്തോടെ 297 പേര്‍ വോട്ടുചെയ്തപ്പോള്‍ വോട്ടിങ് യന്ത്രത്തില്‍ 256 പേര്‍ മാത്രം വോട്ടു ചെയ്‌തെന്നാണു രേഖപ്പെടുത്തിയത്. 41 പേര്‍ വോട്ടുചെയ്തതായ വിവരം യന്ത്രത്തില്‍ ഉണ്ടായിരുന്നില്ല. ഇതേതുടര്‍ന്നു വോട്ടിങ് യന്ത്രം മാറ്റി വേറെ യന്ത്രത്തില്‍ പോളിങ് തുടര്‍ന്നു.

ഇരിക്കൂര്‍ മണ്ഡലത്തില്‍ വിജയിക്കുന്ന സ്ഥാനാര്‍ഥിയുടെ ഭൂരിപക്ഷം 41ല്‍ കുറവാണെങ്കില്‍ 48ാം നമ്പര്‍ ബൂത്തില്‍ റീപോളിങ് നടത്താമെന്ന തെരഞ്ഞെടുപ്പ് കമ്മിഷന്റെ ഉറപ്പിനെതുടര്‍ന്നാണു മറ്റൊരു യന്ത്രത്തില്‍ പോളിങ് തുടരാന്‍ സ്ഥാനാര്‍ഥികളുടെ ഏജന്റുമാര്‍ സമ്മതിച്ചത്. ആദ്യ യന്ത്രത്തില്‍ രേഖപ്പെടുത്തിയ 256 വോട്ടുകള്‍ വോട്ടെണ്ണല്‍ സമയത്ത് എണ്ണും.