കഴിഞ്ഞ ദിവസമാണ് ആപ്പിള്‍ പുതുതലമുറ മാക് ബുക് പ്രോ പുറത്തിറക്കിയത്. 13 ഇഞ്ച് 15 ഇഞ്ച് വേരിയന്റുകളിലാണ് ഈ ലാപ്‌ടോപ് വിപണിയിലെത്തുന്നത്. ഏകദേശം 120,000 രൂപയാണ് ഇതിന് പ്രാരംഭവിലയായി നിശ്ചയിച്ചിരിക്കുന്നത്. വില കുറച്ച് ഞെട്ടിക്കുന്നതാണെങ്കിലും ഫീച്ചറുകള്‍ അതിന്റെ മികച്ച രീതിയില്‍ തന്നെയാണ് ഉള്‍പ്പടുത്തിയിരിക്കുന്നത്.

പതിമുന്ന് ഇഞ്ച് സ്‌ക്രീനോടുകൂടെ എത്തുന്ന മാക്ബുകിന് 15.5 മില്ലിമീറ്റര്‍ കനമാണുള്ളത്.

മുന്‍ മോഡലുകളില്‍ നിന്നും വ്യത്യസ്തമായി രണ്ടിരട്ടി വലിപ്പത്തിലാണ് ഫോഴ്‌സ് ടച്ച് ട്രാക്ക്പാഡിനെ മാക്ബുക്ക് പ്രോയില്‍ ആപ്പിള്‍ ഒരുക്കിയിരിക്കുന്നത്. ടച്ച് ബാറിലൂടെ ഉപഭോക്താക്കള്‍ക്ക് കീബോര്‍ഡിനെ പൂര്‍ണമായും ഒഴിവാക്കാനും ആപ്പിള്‍ അവസരം നല്‍കുന്നുണ്ട്.

പഴയതിനെ അപേക്ഷിച്ച് പുതിയ വൈഡ് കളര്‍ സ്്ക്രീന്‍ 67 ശതമാനം ബ്രൈറ്റ് ആണ്. പവര്‍ ബട്ടണുമായി ഇന്റഗ്രേറ്റ് ചെയ്തിരിക്കുന്ന ടച്ച് ഐഡി സെന്‍സറുകളാണ് മറ്റൊരു സവിശേഷത.

പത്ത് മണിക്കൂര്‍ ബാറ്ററി ബാക് അപ്പാണ് ആപ്പിള്‍ മാക് ബുക് പ്രോ ഉപഭോക്താക്കള്‍ക്ക് കമ്പനി വാഗ്ദാനം ചെയ്യുന്നത്. സില്‍വര്‍, സ്‌പെയ്‌സ് േ്രഗ നിറങ്ങളില്‍ ലഭ്യമാകുന്ന മാക് ബുകിന്റെ ബോഡി അലൂമിനിയം നിര്‍മിതമാണ്.