മലപ്പുറം: നാലിന് മലപ്പുറത്ത് നടക്കുന്ന ശരീഅത്ത് സംരക്ഷണ റാലിയുടെ പ്രചാരണ പ്രവര്‍ത്തനങ്ങള്‍ മഹല്ല് തലങ്ങളില്‍ ഊര്‍ജിതമാക്കണമെന്ന് സുന്നി മഹല്ല് ഫെഡറേഷന്‍ (എസ്.എം.എഫ്) മേഖലാ കമ്മിറ്റി മഹല്ലു ഭാരവാഹികളോട് ആഹ്വനം ചെയ്തു. മഹല്ല് തലങ്ങളില്‍ പ്രവര്‍ത്തനം ഏകോപിപ്പിക്കാന്‍ പഞ്ചായത്ത് സെക്രട്ടറിമാരെ ചുമതലപ്പെടുത്തി. കാളാവ് സൈതലവി മുസ്‌ലിയാര്‍ അധ്യക്ഷനായി. അബ്ദുറഹ്മാന്‍ മാസ്റ്റര്‍, ഹുസൈന്‍ മുസ്‌ലിയാര്‍ പൂക്കോട്ടൂര്‍, അബ്ദുറഹ്മാന്‍ മുസ്‌ലിയാര്‍ ചെറുകുളമ്പ്, അസീസ് ദാരിമി പാങ്ങ്, കാടേരി അബ്ദുല്‍ അസീസ് സംസാരിച്ചു.