കൊച്ചി: തമ്മനം വിനോദ ലൈബ്രറിയുടെ 60-ാം വാര്‍ഷികാഘോഷ പരിപാടികള്‍ക്ക് നാളെ തുടക്കമാകും. വാര്‍ഷികാഘോഷത്തോടനുബന്ധിച്ച് രണ്ടുമാസക്കാലം നീളുന്ന പരിപാടികളാണ് സംഘടിപ്പിച്ചിരിക്കുന്നത്. നാളെ വൈകിട്ട് 6.30ന് നടക്കുന്ന സാംസ്‌കാരിക സമ്മേളനത്തില്‍ ആഘോഷപരിപാടികളുടെ ഉദ്ഘാടനം ഗസല്‍ഗായകന്‍ ഉമ്പായി നിര്‍വഹിക്കും.
കൊച്ചി നഗരസഭ ഡെപ്യൂട്ടിമേയര്‍ ടി.ജെ വിനോദ് അധ്യക്ഷനാകും. ഡിസംബര്‍ 31 വരെ നീണ്ടുനില്‍ക്കുന്ന വാര്‍ഷികാഘോഷപരിപാടികളുടെ ഭാഗമായി ഡോക്യുമെന്ററി പ്രദര്‍ശനം, ചിത്രകലാ പ്രദര്‍ശനം, പ്രഭാഷണം, നാണയ പ്രദര്‍ഷനം, മെഡിക്കല്‍ക്യാമ്പ്, സംവാദം, കവിയരങ്ങ്, അഖില കേരള ഏകാംഗ നാടകമത്സരം തുടങ്ങി വിവിധ പരിപാടികള്‍ നടക്കും.