മണ്ണാര്‍ക്കാട്: കോട്ടോപ്പാടത്തെ കെ.ടി മുഹമ്മദ് നജ്മുദ്ദീന്‍ സംസ്ഥാന സ്‌കൂള്‍ സീനിയര്‍ വിഭാഗം ഫുട്‌ബോള്‍ ടീമില്‍ ബൂട്ടണിയും. കോട്ടോപ്പാടം കല്ലടി അബ്ദു ഹാജി ഹയര്‍ സെക്കന്‍ഡറി സ്‌കൂളിലെ പ്ലസ്ടു ഹുമാനിറ്റീസ് വിദ്യാര്‍ഥിയാണ്. ജില്ലയില്‍ തന്നെ അണ്ടര്‍ 19 വിഭാഗത്തില്‍ സെലക്ഷന്‍ കിട്ടിയത് നജ്മുദ്ദീന് മാത്രമാണ്. കളികളത്തില്‍ മിന്നും താരമായ നജ്മുദ്ദീന്‍ സ്‌കൂളിള്‍ ജൂനിയര്‍, സീനിയര്‍ ടീമുകളില്‍ ജില്ലയെ പ്രതിനിധീകരിച്ചിരുന്നു. കോട്ടോപ്പാടം കാഞ്ഞിരംകുന്ന് കോലോതൊടി വീട്ടില്‍ അബ്ദുല്‍ അസീസ് - നസീറ ദമ്പതികളുടെ മകനാണ്. സഹോദരന്‍ ലുബൈബ് ജില്ല അത്‌ലറ്റിക് ടീമില്‍ അംഗമായിരുന്നു.