എരുമപ്പെട്ടി: പാഴിയോട്ട്മുറിയില്‍ നിക്ഷേപകരെ കബളിപ്പിച്ച് കുറി കമ്പനി ഉടമകള്‍  പണവുമായി മുങ്ങിയ സംഭവം പൊലിസ് കേസെടുത്ത് അന്വേഷണം ആരംഭിച്ചു. കമ്പനി ഉടമകള്‍ക്ക് പുറമെ ജീവനക്കാരെ കേന്ദ്രീകരിച്ചും പൊലിസ് അന്വേഷണം നടത്തുന്നു@ണ്ട്. കരിയന്നൂര്‍ പാഴിയോട്ട്മുറി പാടശേഖരത്തിന് സമീപമുള്ള കൃഷ്ണ ബില്‍ഡിങ്ങില്‍ പ്രവര്‍ത്തിച്ചിരുന്ന ന്യൂമെര്‍ജിന്‍ കുറി കമ്പനി ഉടമകളാണ് നിക്ഷേപകരില്‍ നിന്നും ലക്ഷങ്ങള്‍ തട്ടിയെടുത്ത് മുങ്ങിയത്. നാല് വര്‍ഷം മുമ്പാണ് കുറി കമ്പനി പ്രവര്‍ത്തനം ആരംഭിച്ചത്. അമ്പതിനായിരം മുതല്‍ ഒരു ലക്ഷം രുപ വരെയുള്ള കുറികളാണ് നടത്തി വന്നിരുന്നത്. കുറികള്‍ വട്ടമെത്താനുള്ള സമയമടുത്തപ്പോഴാണ് പണവുമായി കമ്പനി ഉടമകള്‍ മുങ്ങിയത്. 300 ല്‍ അധികം നിക്ഷേപകര്‍ക്ക് പണം നഷ്ടപ്പെട്ടതായി പറയുന്നു.
ഒരു ലക്ഷം രൂപയുടെ ര@ണ്ടും മൂന്നും നറുക്കുകള്‍ ചേര്‍ന്നവരാണ് നിക്ഷേപകരില്‍ ഭൂരിഭാഗവും. ഇത്തരത്തില്‍ നിരവധി പേരുടെ ലക്ഷങ്ങളാണ് നഷ്ടപ്പെട്ടിട്ടുള്ളത്.  കമ്പനി ഒരു മാസം മുമ്പ് ആരംഭിച്ച 50,000 ത്തിന്റെ കുറിയില്‍ ചേര്‍ന്ന എരുമപ്പെട്ടിയിലെ സര്‍ക്കാര്‍, സ്വകാര്യ സ്‌കൂളുകളിലെ അധ്യാപകര്‍ക്കും വ്യാപാരികള്‍ക്കും പണം നഷ്ടപ്പെട്ടിട്ടു@ണ്ട്. കൂടുതല്‍ പേര്‍ പരാതിയുമായി രംഗത്തെത്തിയ സാഹചര്യത്തിലാണ് പൊലിസ് കേസെടുത്ത് അന്വേഷണം ആരംഭിച്ചത്. കമ്പനി ഡയറക്ടര്‍ വടക്കാഞ്ചേരി ആറ്റിങ്ങരവീട്ടില്‍  ഷെബിനെ  ഒന്നാം പ്രതിയാക്കികൊണ്ട@ാണ് പൊലിസ് കേസെടുത്തിട്ടുള്ളത്. കമ്പനിയിലെ ജീവനക്കാര്‍ക്കെതിരേയും നിക്ഷേപകര്‍ പരാതി നല്‍കിയിട്ടു@ണ്ട്. ജീവനക്കാരില്‍ ചിലര്‍ക്ക് വരവില്‍ കവിഞ്ഞ സമ്പാദ്യം ഉ@ണ്ട് എന്ന പരാതിയും പൊലിസ് അന്വേഷിക്കുന്നു@ണ്ട്.