കുന്നംകുളം: കേരള റിപ്പോര്‍ട്ടേഴ്‌സ് ആന്‍ഡ് മീഡിയാ പേഴ്‌സണ്‍ കെ.ആര്‍.എം.യു സ്ഥാപക ദിനത്തോടനുബന്ധിച്ച് തൃശൂര്‍ ജില്ലാ കമ്മിറ്റിയുടെ നേതൃത്വത്തില്‍ അവയവദാന സമ്മതപ്പത്രം കൈമാറി.
യൂനിയന്‍ അംഗങ്ങള്‍ അവയവദാനത്തിനായുള്ള സമ്മതപ്പത്രം മൃതസഞ്ജീവനി വഴി സര്‍ക്കാരിന് സമര്‍പ്പിക്കുകയായിരുന്നു. കലശമല ആര്യലോക് ആശ്രമത്തില്‍ മഠാധിപതി ശ്രീ ശ്രീ ആര്യമഹര്‍ഷി യൂനിയന്‍ ജില്ലാ വൈസ് പ്രസിഡന്റ് കബീറില്‍ നിന്നും സമ്മതപ്പത്രം ഏറ്റുവാങ്ങി. ദാദാക്കള്‍ക്കുള്ള തിരിച്ചറിയല്‍ കാര്‍ഡ് വൈസ് പ്രസിഡന്റ് എ.എം റഷീദ് ഏറ്റുവാങ്ങി. ജില്ലാ പ്രസിഡന്റ് ഉമ്മര്‍ കരിക്കാട്, അഖില്‍ കാണിപയ്യൂര്‍, മിഥുന്‍ ശങ്കരപുരം, ജയ്‌സ് തോമസ്, ബിനേഷ് തുടങ്ങിയവര്‍ സംബന്ധിച്ചു.