വള്ളിക്കുന്ന്: പ്രകൃതി മനോഹരമായ കാഴ്ചകള്‍ കാണാന്‍ ദിനേന നിരവധി സന്ദര്‍ശകര്‍ എത്തുന്ന കടലുണ്ടിക്കടവു പാലത്തിലും പരിസരത്തും സ്ട്രീറ്റ് ലൈറ്റുകള്‍ ഇല്ല. പാലത്തിന്റെ ഉദ്ഘാടനം കഴിഞ്ഞു വര്‍ഷങ്ങളായെങ്കിലും ലൈറ്റ് സ്ഥാപിക്കാത്തതു പ്രതിഷേധത്തിന് ഇടയാക്കിയിരുന്നു. കൂടുതലും സന്ദര്‍ശകര്‍ എത്തുന്നതു സന്ധ്യ സമയങ്ങളിലായതിനാല്‍ പാലത്തിലും പരിസര പ്രദേശങ്ങളിലും ലൈറ്റ് അത്യാവശ്യമാണ്. എന്നാല്‍ ലൈറ്റ് ഇല്ലാത്തതു മണല്‍ മാഫിയകളും സാമൂഹ്യ ദ്രോഹികളും മുതലെടുക്കുന്നു. മാസങ്ങള്‍ക്കു മുമ്പു രാത്രിയില്‍ പാലത്തില്‍ നിന്നും പുഴയിലേക്ക് വീണു യുവാവിനെ കാണാതായതിനെ തുടര്‍ന്ന് ലൈറ്റ് ഇല്ലാത്തതിനാല്‍ രക്ഷാ പ്രവര്‍ത്തനം നടത്താന്‍ സാധിച്ചിരുന്നില്ല.