ദോഹ: എസ്.കെ.എസ്.എസ്.എഫ് ഖത്തര്‍ ചാപ്റ്റര്‍ പ്രസിഡന്റായി മുനീര്‍ ഹുദവിയെയും ജനറല്‍ സെക്രട്ടറിയായി അസീസ് കോളയാടിനെയും തെരഞ്ഞെടുത്തു. മറ്റു ഭാരവാഹികള്‍: അബൂബക്കര്‍ ഹുദവി ചെമ്മാട് (സീനിയര്‍ വൈസ് പ്രസിഡന്റ്), സുബൈര്‍ ഫൈസി കട്ടുപ്പാറ, ജാവേദ് ഹുദവി കാസര്‍കോട്, അബ്ദുല്‍ നാസര്‍ ഫൈസി പട്ടാമ്പി (വൈസ് പ്രസിഡന്റുമാര്‍), മുഹമ്മദ്  ജൗഹര്‍ പുറക്കാട് (വര്‍ക്കിങ് സെക്രട്ടറി), റഫീഖ് മങ്ങാട് (ഓര്‍ഗനൈസിങ് സെക്രട്ടറി), ജാഫര്‍ കതിരൂര്‍, അബ്ദുല്‍ റഊഫ് വാഫി വയനാട് (ജോയിന്റ് സെക്രട്ടറിമാര്‍), നൗഷാദ് കൈപ്പമംഗലം (ട്രഷറര്‍).  
കൗണ്‍സില്‍ മീറ്റ് എസ്.കെ. എസ്.എസ്.എഫ് ഇബാദ് സംസ്ഥാന ചെയര്‍മാന്‍ സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. അബൂബക്കര്‍ ഹുദവി അധ്യക്ഷനായി. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി. അബ്ദുല്‍ മജീദ് ഹുദവി തെരഞ്ഞെടുപ്പ് നിയന്ത്രിച്ചു. മുഹമ്മദലി ഖാസിമി, ഇസ്മാഈല്‍ ഹുദവി, മുനീര്‍ ഹുദവി, ജൗഹര്‍ പുറക്കാട് സംസാരിച്ചു.