കൊയിലാണ്ടി: വീട്ടില്‍ നിര്‍ത്തിയിട്ടിരുന്ന സ്‌കൂട്ടര്‍ മണ്ണെണ്ണ ഒഴിച്ച് കത്തിച്ച സംഭവത്തില്‍ പ്രതി പിടിയിലായി. കുറുവങ്ങാട് കാട്ടുവയല്‍ കൊടുന്താര്‍കുനി ആലിയുടെ മകന്‍ അഫ്‌സലി (27) നെയാണ് കൊയിലാണ്ടി സി.ഐ ഉണ്ണികൃഷ്ണന്റ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്. കഴിഞ്ഞ 30നു രാത്രി ഒന്നോടെ കുറുവങ്ങാട് കോഴിക്കളത്തില്‍ അഖിലിന്റെ വീട്ടുമുറ്റത്ത് നിര്‍ത്തിയിട്ടിരുന്ന സ്‌കൂട്ടറിന്റെ സീറ്റ് കോണ്‍ക്രീറ്റ് ചീളുപയോഗിച്ച കീറിയ ശേഷം മണ്ണെണ്ണ ഒഴിച്ച് കത്തിക്കുകയായിരുന്നു.സംഭവത്തിനുശേഷം പ്രതി ഒളിവില്‍ പോകുകയും ചെയ്തു. കല്യാണ വീട്ടില്‍ വച്ച് അഖിലുമായുണ്ടായ വാക്കേറ്റത്തെ തുടര്‍ന്നുള്ള വിരോധമാണ് കൃത്യം നടത്താന്‍ പ്രതിയെ പ്രേരിപ്പിച്ചതെന്ന് പൊലിസ് പറഞ്ഞു.
രാഹുല്‍ ഗാന്ധിയുടെ അറസ്റ്റ്: പ്രതിഷേധ പ്രകടനം നടത്തി