വെള്ളറട: എസ്.എഫ്.ഐ ഏരിയാ കമ്മിറ്റി സെക്രട്ടറിയെന്നു പറഞ്ഞ് ഡിപ്പോയില്‍ കയറി കെ.എസ്.ആര്‍.ടി.സി കണ്ടക്ടറെ മര്‍ദിച്ചു.
ഇന്നലെ രാത്രി 8.45നാണ് സംഭവം. കണ്ടക്ടര്‍ എല്‍.എ ലിയോണി (37) നാണ് മര്‍ദനമേറ്റത്. ഇയാളെ ആശുപത്രിയില്‍ പ്രവേശിപ്പിച്ചു. ബസില്‍ ആക്രമണം നടത്തിയ രണ്ട് എസ്.എഫ്.ഐ പ്രവര്‍ത്തകരെ തിരുവനന്തപുരത്തുനിന്ന് കാട്ടാക്കട വഴി വെള്ളറടയിലേക്കു വരവെ മലയിന്‍കീഴ് സ്റ്റേഷനിാല്‍ ഏല്‍പ്പിച്ചതില്‍ പ്രതിഷേധിച്ചായിരുന്നു ആക്രമണം. ലിയോണ്‍ വെള്ളറട സര്‍ക്കാര്‍ ആശുപത്രിയില്‍ ചികിത്സയിലാണ്.