മലപ്പുറം: പൂക്കോട്ടൂര്‍ ഗവ. ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാര്‍ക്ക് തൊഴില്‍പരിശീലനം നല്‍കി. പരിസ്ഥിതി സൗഹൃദവും വളരെ കുറഞ്ഞ വൈദ്യുതോപയോഗവും നിര്‍മാണച്ചെലവും വരുന്ന എല്‍.ഇ.ഡി ബള്‍ബുകളുടെ നിര്‍മാണത്തിലാണ് പരിശീലനം നല്‍കിയത്. സംസ്ഥാന വൈദ്യുതി ബോര്‍ഡിന്റെ സഹകരണത്തോടെ സംഘടിപ്പിച്ച പരിപാടിക്ക് പരിശീലകന്‍ പി.സി സാബിര്‍, എന്‍.എസ്.എസ് പ്രോഗ്രാം ഓഫീസര്‍ ബഷീര്‍ എന്നിവര്‍ നേതൃത്വം നല്‍കി. ഗ്രാമപഞ്ചായത്ത് പ്രസിഡന്റ് സുമയ്യ ഉദ്ഘാടനം ചെയ്തു. പി.ടി.എ പ്രസിഡന്റ് സലീം കൊടക്കാടന്‍ അധ്യക്ഷനായി. ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ അബ്ദുല്‍റസാഖ്, അധ്യാപകരായ മുഹമ്മദ് റാഫി, ഷമീര്‍ കൊടിത്തൊടിക സംസാരിച്ചു. പരിശീലനത്തിന് ശേഷം സ്‌കൂളിലെ എന്‍.എസ്.എസ്. വളണ്ടിയര്‍മാര്‍ കൂടുതല്‍ എല്‍.ഇ.ഡി ബള്‍ബുകള്‍ നിര്‍മിച്ചുവിതരണം ചെയ്യും.