ശ്രീകൃഷ്ണപുരം: പുളിയക്കാട്ട് തെരുവ് എം.വി കിട്ടു സാംസ്‌കാരിക കേന്ദ്രത്തിന്റെ നേതൃത്വത്തില്‍ കേരപ്പിറവിയോടനുബന്ധിച്ച് സെമിനാറും പത്താം വാര്‍ഷിക ഉദ്ഘാടനവും നടത്തി. ജില്ലാ പഞ്ചായത്തംഗം പി.കെ സുധാകരന്‍ ഉദ്ഘാടനം ചെയ്തു. സി.എന്‍ ഷാജുശങ്കര്‍ അധ്യക്ഷനായി. പത്താം വാര്‍ഷിക ഉദ്ഘാടനം ജനാര്‍ദ്ദനന്‍ പുതുശ്ശേരി ഉദ്ഘാടനം ചെയ്തു.
കിട്ടു അനുസ്മരണ പ്രഭാഷണം ബ്ലോക്ക് പഞ്ചായത്ത് പ്രസിഡന്റ് പി അരവിന്ദാക്ഷന്‍ നിര്‍വഹിച്ചു. വി രാധിക, സി ഹരിദാസന്‍, ടി നീലകണ്ഠന്‍, എം രാധാകൃഷ്ണന്‍, പി.വി ബാബു, എം.വി സുജേഷ്, എം പ്രജോഷ് സംസാരിച്ചു.

ഉപജില്ല സ്‌കൂള്‍ കായികമേള തുടങ്ങി

മണ്ണാര്‍ക്കാട്: മണ്ണാര്‍ക്കാട് ഉപജില്ല സ്‌കൂള്‍ കായിക മേള എം.ഇ.എസ് കല്ലടി കോളജ് ഗ്രൗണ്ടില്‍ തുടങ്ങി. കുമരംപുത്തൂര്‍ പഞ്ചായത്ത് പ്രസിഡന്റ് ഹുസൈന്‍ കോളശ്ശേരി ഉദ്ഘാടനം ചെയ്തു. ഒളിംപ്യന്‍ പി. കുഞ്ഞിമുഹമ്മദ് മാര്‍ച്ച് പാസ്റ്റിന് സലൂട്ട് സ്വീകരിച്ചു. എ.ഇ.ഒ ഉണ്ണ്യാപ്പു പതാക ഉയര്‍ത്തി.
മുനിസിപ്പല്‍ വൈസ് ചെയര്‍മാന്‍ ടി.ആര്‍ സെബാസ്റ്റ്യന്‍ അധ്യക്ഷനായി. മുനിസിപ്പല്‍ കൗണ്‍സിലര്‍ കെ.സി അബ്ദുറഹിമാന്‍, കെ.സി.കെ സൈതാലി, കല്ലടി സ്‌കൂള്‍ പ്രിന്‍സിപ്പല്‍ റഫീക്ക്, കെ. വിജകുമാര്‍ സംബന്ധിച്ചു. ടി.പി മുഹമ്മദ് റഫീക്ക് സ്വാഗതവും, എന്‍.എസ് നൗഷാദ് നന്ദിയും പറഞ്ഞു.
കായികമേള ഇന്ന് സമാപിക്കും. സമാപന സമ്മേളനം ബ്ലോക്ക് പഞ്ചായത്ത് പ്രസിഡന്റ് കെ.പി മൊയ്തു ഉദ്ഘാടനം ചെയ്യും. മ
ുനിസിപ്പല്‍ ചെയര്‍പേഴ്‌സണ്‍ എം.കെ സുബൈദ അധ്യക്ഷയാകും. സി.ഐ ഹിദായത്തുല്ല മാമ്പ്ര സമ്മാനദാനം നടത്തും.