എരുമപ്പെട്ടി:  മു@ണ്ടത്തിക്കോട് സ്‌നേഹാലയം അനാഥ അഗതി മന്ദിരത്തിലേക്ക് ഭക്ഷ്യ വസ്തുക്കള്‍ നല്‍കി എരുമപ്പെട്ടി പ്രസിഡന്‍സി കോളജ് മാതൃയായി. കോളജിലെ ചാരിറ്റി ക്ലബ്ബിന്റെ നേതൃത്വത്തിലാണ് ജീവകാരുണ്യ പ്രവര്‍ത്തനം കാഴ്ചവെച്ചത്. വിദ്യാര്‍ഥികള്‍ വീടുകളില്‍ നിന്ന് കൊ@ണ്ടുവന്ന ഭക്ഷ വസ്തുക്കളും, സോപ്പ്, ടൂത്ത് പേയ്സ്റ്റ് എന്നിവയും ക്ലബ്ബ് അംഗങ്ങള്‍ ശേഖരിച്ച് തരം തിരിച്ച് പാക്കറ്റുകളിലാക്കി സ്‌നേഹാലയം മാനേജര്‍ ആന്റണിക്ക് കൈമാറി. ചടങ്ങില്‍  ആന്റണിയേയും രക്തദാന രംഗത്ത് മാതൃകാപരമായ പ്രവര്‍ത്തനം കാഴ്ചവെച്ച ഓട്ടുപാറ സ്വദേശി കുഞ്ഞുമോനേയും ആദരിച്ചു. പ്രിന്‍സിപ്പാള്‍ സുരഭി സുനില്‍, പ്രോഗ്രാം കോഡിനേറ്റര്‍ എ.കെ.സുരേന്ദ്രന്‍, ചാരിറ്റി ക്ലബ് പ്രസിഡന്റ് ഷെഫീക്ക് ,അധ്യാപകരായ സജി,  രാജേഷ്, ഹമീദ്, ബിന്ദു പങ്കെടുത്തു.