കല്‍പ്പറ്റ: അല്‍രിഫാഈ ടൂര്‍സ് ആന്‍ഡ് ട്രാവല്‍സിന്റെ ആഭിമുഖ്യത്തില്‍ വിശുദ്ധ ഹജ്ജ് കര്‍മം കഴിഞ്ഞ് തിരിച്ചെത്തിയവര്‍ക്ക് സ്വീകരണവും ഉംറ യാത്രികര്‍ക്ക് പഠന ക്ലാസും സംഘടിപ്പിച്ചു. കല്‍പ്പറ്റ സമസ്ത കാര്യാലയത്തില്‍ നടന്ന പരിപാടിയില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്തു. ഡയറക്ടര്‍ മുഹമ്മദ് ഒറ്റപ്പാലം അധ്യക്ഷനായി. മഅ്മൂന്‍ ഹുദവി വണ്ടൂര്‍ ക്ലാസെടുത്തു. സ്വാലിഹ് അന്‍വരി കാപ്പ് ദുആ മജ്‌ലിസിന് നേതൃത്വം നല്‍കി.
അബ്ദുല്‍ അസീസ് ഫൈസി, മുജീബ് ഫൈസി സംബന്ധിച്ചു. കെ.സി കുഞ്ഞിമൂസ ഹാജിയില്‍ നിന്നും പാസ്‌പോര്‍ട്ട് സ്വീകരിച്ച് ഈ വര്‍ഷത്തെ ഉംറ ബാച്ചിന്റെ ഉദ്ഘാടനം കെ.ടി ഹംസ മുസ്‌ലിയാര്‍ നിര്‍വഹിച്ചു. അമീര്‍ ഹാരിസ് ബാഖവി കമ്പളക്കാട് സ്വാഗതവും വയനാട് ബ്രാഞ്ച് മാനേജര്‍ പി ഇല്യാസ് ഹാജി നന്ദിയും പറഞ്ഞു.