അബൂജ: കാണാതായ ചിബോക് പെണ്‍കുട്ടികളില്‍ ഒരാളെ പത്തു മാസം പ്രായമായ കുട്ടിയുമായി കണ്ടെത്തി. വടക്കന്‍ ബോര്‍ണോ സംസ്ഥാനത്തിലെ പുല്‍ക മേഖലയിലാണ് യുവതിയെ മകനോടൊപ്പം കണ്ടെത്തിയതെന്ന് നൈജീരിയന്‍ സൈനിക വക്താവ് സാനി ഉസ്മാന്‍ പറഞ്ഞു.
കഴിഞ്ഞമാസം 21 ചിബോക് പെണ്‍കുട്ടികളെ ബോകോഹറാം തീവ്രവാദികള്‍ ഒത്തുതീര്‍പ്പിനെ തുടര്‍ന്ന് മോചിപ്പിച്ചിരുന്നു. 2014 ഏപ്രിലില്‍ 270 ലേറെ സ്‌കൂള്‍ കുട്ടികളെയാണ് ബോകോഹറാം തട്ടിക്കൊണ്ടുപോയത്.
അന്താരാഷ്ട്ര തലത്തില്‍ ഏറെ ചര്‍ച്ചയാക്കിയ സംഭവമാണ് ചിബോക് പെണ്‍കുട്ടികളുടെ തിരോധാനം. സാംബിയ കാടുകളിലെ ബോകോഹറാം കേന്ദ്രത്തില്‍ നിന്നാണ് കുട്ടികളെ മോചിപ്പിച്ചത്.