വടക്കഞ്ചേരി: കാന്തളത്ത് പുലിയിറങ്ങി ആടുകളെ കൊന്നു. കാന്തളം തച്ചേരി സാബുവിന്റെ ആടുകളെയാണ് പുലി കൊന്നത്. ഞായറാഴ്ച ഉച്ചയ്ക്ക് തോട്ടത്തില്‍ മേഞ്ഞിരുന്ന ആടുകളെയാണ് കൊന്നത്.
വീഴ്‌ലി, കാന്തളം ഭാഗത്ത് നേരത്തെ പുലി ശല്യം ഉണ്ടായതിനെ തുടര്‍ന്ന് വനംവകുപ്പ് കൂട് സ്ഥാപിക്കുകയും ഒരു പുലിയെ പിടിക്കുകയും ചെയ്തിരുന്നു. വീണ്ടും പുലി ശല്യം ഉണ്ടായതിനെ തുടര്‍ന്ന് കൂട് സ്ഥാപിച്ചെങ്കിലും പുലിയെ പിടികൂടാനായിരുന്നില്ല.
ഇതേ തുടര്‍ന്ന് വനംവകുപ്പ് കൂട് മാറ്റിയിരുന്നു. സാധാരണ രാത്രിയിലാണ് പുലി ജനവാസ കേന്ദ്രത്തില്‍ ഇറങ്ങാറുള്ളത്.