കൊച്ചി: ഓട്ടോറിക്ഷാ തൊഴിലാളികളുടെ നേതൃത്വത്തില്‍ കൊച്ചി പാലാരിവട്ടത്തെ യൂബര്‍ ടാക്‌സി ഓഫിസിലേക്ക് നടത്തിയ മാര്‍ച്ച് ഉദ്ഘാടനം ചെയ്തിറങ്ങിയ സി.ഐ.ടി.യു ജില്ലാ പ്രസിഡന്റ് കെ.എന്‍.ഗോപിനാഥിന് കുത്തേറ്റു. ഇന്നലെ ഉച്ചയ്ക്ക് 12.30നാണു സംഭവം. കഴുത്തിലെ ഞരമ്പിലാണ് കുത്തേറ്റത്. ഇദ്ദേഹം എറണാകുളം മെഡിക്കല്‍ ട്രസ്റ്റ് ആശുപത്രിയില്‍ തീവ്രപരിചരണ വിഭാഗത്തില്‍ ചികില്‍സയിലാണ്. സംഭവവുമായി ബന്ധപ്പെട്ട് വടകര സ്വദേശി ഉണ്ണികൃഷ്ണനെ പാലാരിവട്ടം പൊലിസ് അറസ്റ്റ്‌ചെയ്തു. സംഭവത്തില്‍ പ്രതിഷേധിച്ച് സംയുക്ത തൊഴിലാളി യൂനിയന്‍ ഇന്ന് ജില്ലയില്‍ വാഹനപണിമുടക്ക് പ്രഖ്യാപിച്ചു.
തീവ്രപരിചരണ വിഭാഗത്തില്‍ പ്രവേശിപ്പിച്ച അദ്ദേഹത്തെ ശസ്ത്രക്രിയക്ക് വിധേയനാക്കി.