കളമശ്ശേരി: തൃക്കാക്കരയിലെ സെന്റ് ജോസഫ്‌സ് ഇഗ്ലീഷ് മീഡിയം ഹയര്‍ സെക്കണ്ടറി സ്‌കൂളിലെ എന്‍.എസ് .എസ് വളണ്ടിയര്‍മാര്‍ സ്വച്ഛ് ഭാരത് പദ്ധതിയുടെ ഭാഗമായി കളമശ്ശേരി റെയില്‍വേ സ്റ്റേഷന്‍ പരിസരം ശുചീകരിച്ചു. സ്റ്റേഷന്‍ മാസ്റ്റര്‍ എന്‍.ബാലചന്ദ്രന്‍ പരിപാടിയുടെ ഉദ്ഘാടനം നിര്‍വഹിച്ചു.
അമ്പതോളം വരുന്ന എന്‍.എസ്.എസ് വളണ്ടിയര്‍മാര്‍ ശുചീകരണ പരിപാടിയില്‍ പങ്കെടുത്തു. വളണ്ടിയര്‍ ലീഡര്‍ ജോയ് സി ജോണ്‍, എന്‍.എസ്.എസ് പ്രോഗ്രാം ഓഫീസര്‍ മേഴ്‌സി സേവ്യര്‍ എന്നിവര്‍ നേതൃത്വം നല്‍കി. കളമശ്ശേരി റെയില്‍വേ സ്റ്റേഷന്റെ പ്ലാറ്റുഫോമുകളുടെ കാട് മൂടി കിടക്കുന്ന ഭാഗങ്ങള്‍ സംഘം വെട്ടിത്തെളിച്ചു.
പ്ലാറ്റ്‌ഫോമിലും സ്റ്റേഷന്‍ പരിസരങ്ങളിലുമായി അലക്ഷ്യമായി വലിച്ചെറിയപ്പെട്ട മാലിന്യങ്ങള്‍ ശേഖരിച്ച് റെയില്‍വേ സ്‌റേഷന്‍ ക്ലീനിങ് തൊഴിലാളികള്‍ക്ക് കൈമാറിയതായി പ്രോഗ്രാം ഓഫീസര്‍ പറഞ്ഞു. രാവിലെ ഒന്‍പതരയോടെ തുടങ്ങിയ ക്ലീനിങ് ഉച്ചയോടെയാണ് അവസാനിച്ചത്.