അട്ടപ്പാടി: കാട്ടില്‍ നിന്നും നാട്ടിലെത്തിയ രണ്ട് പുള്ളിമാനുകളില്‍  ഒരുപെണ്‍ മാനിനെ തെരുവുനായകള്‍കടിച്ചു കൊന്നു. ഒരു വയസു പ്രായമുള്ള പെണ്‍ മാനിനൊട്ടുകാരും വനംവകുപ്പ് ഉദ്യോഗസ്ഥരും  ചേര്‍ന്ന് രക്ഷപെടുത്തി. ഇന്നലെ ഉച്ചയോടെയാണ്  സംഭവം. അഗളി പൂവാത്ത കോളനിക്ക് സമീപമുള്ള വനത്തില്‍ നിന്നും ഇറങ്ങിയ മാനുകളെ നാലു തെരുവുപട്ടികളാണ് ഓടിച്ചിട്ട് കടിച്ചു കൊന്നത്.
ഒരു മാന്‍ ഗൂളിക്കടവിലെ ഒരു കടയിലേക്ക് ഓടി കയറിയതിനാല്‍ നായ്ക്കള്‍ തിരിച്ചു പോവുകയായിരുന്നു. കടയുടമസ്ഥന്‍ വിവരം അറിയിച്ചതിനെ തുടര്‍ന്ന് പുതൂര്‍ സെക്ഷന്‍ ഫോറസ്‌ററ് ഓഫിസര്‍. ബി. എസ്.  ഭദ്രകുമാര്‍, ബീറ്റ് ഫോറസ്റ്റ് ഓഫിസര്‍. എ സലീം, കെ. കുമാര്‍, എം. രാജന്‍, കൃഷ്ണമൂര്‍ത്തി എന്നിവരുടെ നേതൃത്വത്തില്‍ ചത്ത മാനിനെ പോസ്റ്റുമോര്‍ട്ടം  നടത്തി കുഴിച്ചിട്ടു. രക്ഷപെട്ട മാനിനെ വെറ്ററിനറി ഡോക്ടര്‍. ഷാജി ചികിത്സ നടത്തിയ ശേഷം നായ്ക്കര്‍ പാടി വനത്തില്‍ കൊണ്ടുവിട്ടു.