കൊല്ലം: വലിയ കൂനമ്പായിക്കുളത്തമ്മ കോളജ് ഓഫ് എഞ്ചിനീയറിങില്‍ കേരള മിഷന്‍ സ്റ്റാര്‍ട്ട് അപ് മിഷന്റെ ഭാഗമായി സംരംഭകത്വം 18ന് നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. കുട്ടികളുടേതായ പുതിയ ആശയങ്ങള്‍ പങ്കുവയ്ക്കുന്നതിനും ഇത് സഹായിക്കും. ഇതിന്റെ ഭാഗമായി കൊല്ലം, തിരുവന്തപുരം വിദ്യാഭ്യാസ ജില്ലകളിലെ സ്‌കൂളുകളില്‍ നിന്നും മികച്ച പ്രോജക്ടുകളുടെ എക്‌സിബിഷനും നടക്കും. പുതിയതരം ആശയങ്ങള്‍ക്കും പ്രോജക്ടുകള്‍ക്കും പ്രോല്‍സാഹനം നല്‍കുന്നതോടൊപ്പം കുട്ടികള്‍ക്ക് സാങ്കേതികമായുള്ള സംശയ നിവാരണത്തിനും വേദിയാകും. വാര്‍ത്താ സമ്മേളനത്തില്‍ കോളജ് പ്രിന്‍സിപ്പല്‍ ചിത്രാ പ്രസാദ്, വൈസ് പ്രിന്‍സിപ്പല്‍ പ്രൊഫ. സി.ജെ മാത്യു എന്നിവര്‍ പങ്കെടുത്തു.