നിലമ്പൂര്‍: സാക്ഷരതാ പ്രവര്‍ത്തനത്തിലെ നൊബേല്‍ എന്നറിയപ്പെടുന്ന യുനസ്‌കോ കണ്‍ഫ്യൂഷിയസ് അവാര്‍ഡ് നേടിയ ജന്‍ ശിക്ഷണ്‍ സന്‍സ്ഥാന്‍ ചെയര്‍മാന്‍ പി.വിഅബ്ദുല്‍ വഹാബ് എം.പിയെയും ഡയറക്ടര്‍ വി. ഉമ്മര്‍ കോയയെയും നിലമ്പൂര്‍ മുസ്‌ലിം ഓര്‍ഫനേജ് കമ്മിറ്റിയും അനുബന്ധ സ്ഥാപനങ്ങളും ചേര്‍ന്ന് അനുമോദിക്കുന്ന ചടങ്ങും വിവിധ പദ്ധതികളുടെ സമര്‍പ്പണവും ഇന്ന് രാവിലെ ഒന്‍പതിന് ഓര്‍ഫനേജ് ക്യാംപസില്‍ നടക്കും. കേരള നിയമസഭ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. ഓര്‍ഫനേജ് വെബ്‌സൈറ്റിന്റെ സമര്‍പ്പണവും സ്പീക്കര്‍ നിര്‍വഹിക്കും. ജെ.എസ്.എസ്. ഇന്‍സൈറ്റ് പദ്ധതിയുടെ സമര്‍പ്പണം മുന്‍ മന്ത്രി പി.കെ കുഞ്ഞാലിക്കുട്ടിയും, അമല്‍ കോളജിന്റെ നവീകരിച്ച വെബ്‌സൈറ്റ് മുന്‍മന്ത്രി ആര്യാടന്‍ മുഹമ്മദും, അമല്‍ സ്‌കൂള്‍ മാത്‌സ് ലാബിന്റെ സമര്‍പ്പണം പി.കെ ബഷീര്‍ എം.എല്‍.എയും, നവീകരിച്ച അമല്‍ കോളജ് റീഡിങ് റൂം സമര്‍പ്പണം മുന്‍ മന്ത്രി എ.പി അനില്‍ കുമാര്‍ എം.എല്‍.എയും, അറബിക് കോളജ് ലൈബ്രറി പുനര്‍ നാമകരണം പി.വി അന്‍വര്‍ എം.എല്‍.എയും നിര്‍വഹിക്കും.