വാണിമേല്‍: മൂന്നുദിവസമായി വെള്ളിയോട് ഗവ. ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ നടന്നുവരുന്ന നാദാപുരം ഉപജില്ലാ സ്‌കൂള്‍ കായികമേളയില്‍ വിലങ്ങാട് സെന്റ് ജോര്‍ജ് ഹൈസ്‌കൂള്‍ ഓവറോള്‍ ചാംപ്യന്മാരായി. ഉപജില്ലാതലത്തില്‍ മത്സരം തുടങ്ങിയത് മുതല്‍ തുടര്‍ച്ചയായി വിലങ്ങാടിനാണ് ഓവറോള്‍.
വെള്ളിയോട് ഗവ. ഹയര്‍ സെക്കന്‍ഡറി സ്‌കൂള്‍ രണ്ടും വളയം ഗവ. ഹയര്‍ സെക്കന്‍ഡറി സ്‌കൂള്‍ മൂന്നും സ്ഥാനം കരസ്ഥമാക്കി.
വിജയികള്‍ക്ക് വാണിമേല്‍ ഗ്രാമപഞ്ചായത്ത് പ്രസിഡന്റ് ഒ.സി ജയന്‍ സമ്മാനം വിതരണം ചെയ്തു. ഹെഡ്മാസ്റ്റര്‍ സി. നാരായണന്‍ അധ്യക്ഷനായി. ഉപജിലാ കായിക സെക്രട്ടറി അശോകന്‍ സംസാരിച്ചു.