ന്യൂഡല്‍ഹി: ഉത്തര്‍പ്രദേശ്, പഞ്ചാബ് നിയമസഭാ തെരഞ്ഞെടുപ്പിന് ശേഷം കോണ്‍ഗ്രസ് അധ്യക്ഷ സ്ഥാനത്തു നിന്നും സോണിയാ ഗാന്ധി ഒഴിഞ്ഞേക്കുമെന്ന് സൂചന. ആരോഗ്യപരമായ കാരണത്താലാണ് സോണിയ സ്ഥാനമൊഴിയുന്നതെന്ന് പാര്‍ട്ടിയിലെ ചില നേതാക്കള്‍ വെളിപ്പെടുത്തിയതായി ഒരു ദേശീയ മാധ്യമം റിപ്പോര്‍ട്ട് ചെയ്തു. ഇതിനു മുമ്പ് തന്നെ അധ്യക്ഷസ്ഥാനത്തു നിന്നും ഒഴിയണമെന്ന് സോണിയ താല്‍പര്യം പ്രകടിപ്പിച്ചുവെങ്കിലും അടുത്ത വര്‍ഷത്തെ നിയമസഭാ തെരഞ്ഞെടുപ്പ് വരെ തുടരാന്‍ നേതാക്കള്‍ നിര്‍ബന്ധിക്കുകയായിരുന്നു.