കൊച്ചി: കഞ്ചാവും ഹാന്‍സുമായി രണ്ടുപേര്‍ ഷാഡോ പൊലിസ് പിടിയിലായി. പനമ്പിള്ളി നഗര്‍ പരിസരത്തുനിന്നും കുമ്പളങ്ങി പൂപ്പനക്കുന്ന് മുണ്ടംതുരുത്ത് കണ്ണന്‍ എന്ന് വിളിക്കുന്ന സുബീഷ് (26) ആണ് ഷാഡോ പൊലിസിന്റെ പിടിയിലായത്. 120 പായ്ക്കറ്റ് ഹാന്‍സുമായി മട്ടാഞ്ചേരി കോമ്പാറമുക്ക് സ്വദേശി ആഷിക് (33) ആണ് ഷാഡോ പൊലിസിന്റെ പിടിയിലായ മറ്റൊരാള്‍.
മട്ടാഞ്ചേരി പൊലിസും ടൗണ്‍ സൗത്ത് പൊലിസും കേസെടുത്ത് അന്വേഷണം ആരംഭിച്ചു. സ്‌പെഷ്യല്‍ ബ്രാഞ്ച് അസി. കമ്മിഷണര്‍ കെ.വി വിജയനു കിട്ടിയ രഹസ്യവിവരത്തെ തുടര്‍ന്നാണ് റെയ്ഡ് സംഘടിപ്പിച്ചത്.
ഷാഡോ എസ്‌ഐ നിത്യാനന്ദ പൈ, സിവില്‍ പൊലിസ് ഓഫിസര്‍മാരായ ആന്റണി പ്രസാദ്, അഫ്‌സല്‍, ഹരിമോന്‍, സാനു, ജയരാജ്, വിനോദ്, ഷാജി മോന്‍, സാനുമോന്‍, വേണു, യൂസഫ് എന്നിവര്‍ റെയ്ഡില്‍ പങ്കെടുത്തു.