തിരൂര്‍: തെരുവുനായയുടെ ആക്രമണത്തില്‍ ആറു പേര്‍ക്കു പരുക്കേറ്റു. നിറമരുതൂര്‍ വട്ടത്താണി സൗഹാര്‍ദ നഗറില്‍ ഇന്നലെ ഉച്ചയോടെയാണ് സംഭവം. നായയുടെ ആക്രമണത്തില്‍ വളര്‍ത്തു മൃഗങ്ങള്‍ക്കും പരുക്കേറ്റിട്ടുണ്ട്.
നിറമരൂതൂര്‍, താനാളൂര്‍ പഞ്ചായത്തുകളുടെ ഭാഗമായ വട്ടത്താണി സൗഹാര്‍ദ നഗര്‍ സ്വദേശികളായ പാലക്കല്‍ കുന്നത്ത് ഗോപാലകൃഷ്ണന്‍ (64), കാവുംപുറത്ത് സാഹിര്‍ (27), തൈക്കണ്ടി പാത്തുമ്മ (60), ചാരാത്ത് ഷാഫി (36), ചാരാത്ത് ഹാഷിമി (23), കാവീട്ടില്‍ പ്രസാദ് (28) എന്നിവര്‍ക്കാണ് പരുക്കേറ്റത്. പശു, പശുക്കുട്ടി, ആട് എന്നിവയ്ക്കും കടിയേറ്റിട്ടുണ്ട്. അക്രമത്തിനിരയായവരെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ച് ചികിത്സ നല്‍കി.