മൂവാറ്റുപുഴ: സംസ്ഥാന ലൈബ്രറി കൗണ്‍സിലിന്റെ ഉണര്‍വ് സാംസ്‌കാരിക യാത്രക്ക് 20ന് മൂവാറ്റുപുഴയില്‍ സ്വീകരണം നല്‍കും. ജാഥയ്ക്ക് മുന്നോടിയായി താലൂക്ക് ലൈബ്രറി കൗണ്‍സില്‍ പ്രസിഡന്റ് ജോസ് കരിമ്പന ക്യാപ്റ്റനായ വിളംമ്പര ജാഥ 17,18, ദിവസങ്ങളില്‍ മൂവാറ്റുപുഴ താലൂക്കിലെ പഞ്ചായത്തുകളിലും മുനിസിപ്പല്‍ കേന്ദ്രങ്ങളിലും പര്യടനം നടത്തും.
17ന് രാവിലെ 8.30ന് പെരിങ്ങഴ ഡി.ശ്രീമാന്‍ നമ്പൂതിരി സ്മൃതിമണ്ഡപത്തില്‍ നിന്നും ആരംഭിക്കുന്ന ജാഥ നഗരസഭാ ചെയര്‍പേഴ്‌സണ്‍ ഉഷ ശശീധരന്‍ ഉദ്ഘാടനം ചെയ്യും. തുടര്‍ന്ന് വിവിധ സ്ഥലങ്ങളില്‍ പര്യടനം നടത്തി 18ന് വൈകിട്ട് 5ന് പാലക്കുഴ ടൗണില്‍ സമാപിക്കും. സമാപന സമ്മേളനം ലൈബ്രറി കൗണ്‍സില്‍ ജില്ലാ സെക്രട്ടറി എം.ആര്‍.സുരേന്ദ്രന്‍ ഉദ്ഘാടനം ചെയ്യും. പാലക്കുഴ പഞ്ചായത്ത് പ്രസിഡന്റ് ജോഷി സ്‌കറിയ അധ്യക്ഷത വഹിക്കും.