അഗര്‍ത്തല: അസാധുവാക്കിയ 500, 1000 രൂപ നോട്ടുകള്‍ ഡിസംബര്‍ 30വരെ ഉപയോഗിക്കാന്‍ അനുമതി നല്‍കണമെന്നു ത്രിപുര മുഖ്യമന്ത്രി മണിക് സര്‍ക്കാര്‍ കേന്ദ്ര സര്‍ക്കാറിനോടാവശ്യപ്പെട്ടു.
പണമില്ലാതായതോടെ ജനങ്ങള്‍ വലിയ ദുരിതത്തിലാണ്. കേന്ദ്ര സര്‍ക്കാറും റിസര്‍വ് ബാങ്കും ഈ യാഥാര്‍ഥ്യം തിരിച്ചറിയണമെന്നും അദ്ദേഹം ആവശ്യപ്പെട്ടു. 500, 1000 രൂപ നോട്ടുകള്‍ പിന്‍വലിച്ച സാഹചര്യത്തില്‍ ജനങ്ങളുടെ കഷ്ടപ്പാടുകള്‍ പരിഹരിക്കാന്‍ ബദല്‍ സംവിധാനങ്ങളേര്‍പ്പെടുത്താന്‍ സര്‍ക്കാര്‍ തയാറാകണം. പ്രാദേശിക ബാങ്കുകളില്‍ ആവശ്യത്തിനു പണം ലഭിക്കാത്തതു ഗ്രാമീണ മേഖലകളെ സാരമായി ബാധിച്ചിട്ടുണ്ടെന്നും മുഖ്യമന്ത്രി മണിക് സര്‍ക്കാര്‍ പ്രധാനമന്ത്രി മോദിക്ക് നല്‍കിയ കത്തില്‍ ആവശ്യപ്പെട്ടു.