കരുനാഗപ്പള്ളി: കേരള സമൂഹത്തില്‍ ഗ്രന്ഥശാലകള്‍ ഉയര്‍ത്തിവിട്ട സാമൂഹ്യനന്മയിലേക്ക് ഇന്നത്തെ സമൂഹത്തെ തിരികെ എത്തിക്കണമെന്ന് വിപ്ലവ ഗായിക പി.കെ മേദിനി പറഞ്ഞു.
ലൈബ്രറി കൗണ്‍സില്‍ സാംസ്‌ക്കാരിക ജാഥയ്ക്ക് കരുനാഗപ്പള്ളിയില്‍ നല്‍കിയ സ്വീകരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അവര്‍.
ഒരു കാലത്ത് അന്നത്തെ തലമുറയ്ക്ക് മുന്നിലെ സാംസ്‌ക്കാരിക ഗോപുരങ്ങളായിരുന്നു ഗ്രന്ഥശാലകള്‍. അത് കണ്ടാണ് പഴയ തലമുറ വളര്‍ന്ന് വന്നത്. എന്നാല്‍ ഇന്ന് ഓരോരുത്തരുടേയും ജാതിയെന്തന്ന്
ചോദിക്കുന്ന തലമുറയായി പുതിയ കുട്ടികള്‍ മാറുകയാണെന്നും അവര്‍ പറഞ്ഞു. സ്വീകരണത്തോടനുബന്ധിച്ച് സംഘടിപ്പിച്ച ചരിത്ര രചനയും ചിത്രരചനയും ആര്‍ .രാമചന്ദ്രന്‍ എം.എല്‍.എ ഉദ്ഘാടനം
ചെയ്തു. പി.ബി ശിവന്‍ അധ്യക്ഷനായി.
താലൂക്ക് ലൈബ്രറി കൗണ്‍സില്‍ സെക്രട്ടറി വി വിജയകുമാര്‍ സ്വാഗതം പറഞ്ഞു. സംസ്ഥാന ലൈബ്രറി കൗണ്‍സില്‍ സെക്രട്ടറി പി അപ്പുക്കുട്ടന്‍ സംസാരിച്ചു. പി.ആര്‍ വസന്തന്‍, പ്രൊഫ. വസന്തകുമാര്‍ സാംബശിവന്‍, എന്‍ അജയകുമാര്‍, നഗരസഭ അധ്യക്ഷ എം ശോഭന, ആര്‍.കെ ദീപ, എസ് നാസര്‍ തുടങ്ങിയവര്‍ സംസാരിച്ചു. താലൂക്കിലെ എഴുത്തുകാരേയും സാംസ്‌ക്കാരിക പ്രവര്‍ത്തകരേയും ചടങ്ങില്‍ ആദരിച്ചു.